Сағынышқа толы кеш өтті

Түркістан облысына қарасты Созақ ауданы әкімдігінің мәдениет, тілдерді дамыту, дене шынықтыру және спорт бөлімінің “Мыңжылқы” мәдениет сарайы  ұдайы әртүрлі бағыттағы мәдени шараларды өткізуде асығы алшы. Жуырда осы үйымның ұйымдастыруымен  ретро әндер кеші өтті. Осы күні өз уақытының әсем сазы болған әуезді әндер көрерменмен қайта қауышты.

Созақ ауданындағы мәдениет сарайында өткен ретро әндер кеші айтулы оқиға болды. Мұндай кештер адамдарға өткен онжылдықтардың атмосферасына еніп, таныс және сүйікті әуендерден ләззат алуға мүмкіндік береді. 80, 90 және 2000 жылдардағы ескі әндерді айту сол кездерге байланысты эмоциялар мен естеліктерді есте сақтауға және қайта жаңғыртуға мүмкіндік береді. Бұл әндер сағыныш пен шаттықты оятып, қатысушылар мен көрермендер арасында ерекше атмосфера тудырары сөзсіз.

Музыка бізді уақытты кері қайтарып, әртүрлі эмоцияларды тудыратын керемет қабілетке ие. Ретро әндер бізге осы әндер танымал болған дәуірге оралуға және олардың әуендері мен сөздерінен ләззат алуға мүмкіндік береді. Олар қуаныш, естеліктер және тіпті шабыт тудыруы мүмкін. Ретро ән ​​кеші сияқты іс-шаралар мәдени мұраны сақтауға және насихаттауға көмектеседі және адамдарға ортақ мүдделер мен естеліктермен бөлісуге мүмкіндік береді. Олар әртүрлі ұрпақ өкілдерінің жастық шағында танымал болған музыкамен кездесуге және ләззат алуға мүмкіндік береді.

Созақ ауданындағы «Мыңжылқы» мәдениет сарайында өткен ретро әндер кеші ұмытылмас болып, қатысушылар мен көрермендерге сол кездегі тамаша әуен мен атмосфераны тамашалауға мүмкіндік бергені сөзсіз. Бұл іс-шара мәдени дамуға және жағымды естелік қалдыруға ықпал етері сөзсіз.

Жанды дауыста өткен концертте 80, 90 және 2000 жылдардың танымал композициялары мен бір кездері ата-әжелеріміз бен аға-әпкелеріміздің сүйікті әндері болып, бүгінде ұрпақтан-ұрпаққа мирас болған өткен жылдардың хиттері шырқалды.

Жастық шақтарын естеріне алғысы келген жерлестерімізге ауа райының салқындығы еш кедергі болған жоқ. Аға буын өкілдері мен жастар жаңа сипатта орындалған ретро әндерді керемет көңіл күйде қосыла шырқап отырды.

Кеште Шәмші Қалдаяқов, Сейдулла Бәйтереков, Кеңес Дүйсекеев, Ескендір Хасанғалиев, Төлеген Мұхамеджанов, Алтынбек Қоразбаев сынды бірқатар өнер майталмандарының әуендері шырқалып, мәдениет сарайының әншілері орындаған әндер қалың көпшіліктің көңілінен шықты.

Құлақтан кіріп, бойды алар сағындырған әсем әуен тыңдаған көрермендер ұйымдастырушыларға алғысын білдіріп, көтеріңкі көңілмен тарқады.

Мұндай кештердің аға буын өкілдерін жастық шағына сапар шектіріп, өскелең ұрпаққа төл мәдениетімізді жадынан шығармауына зор септігін тигізеріне күмән жоқ.

Айта кетейік, ән кешінің мақсаты аға буын әншiлер орындаған әндердi кейiн iлесiп келе жатқан жас орындаушыларға жеткiзу, аудан халқына сапалы мәдени қызмет көрсету болып табылады. Алдағы уақытта осы сарындағы кештер жалғасын табатын болады.