Иранның рухани көсемі Хаменеи Израильді жеңгенін жариялады
Иранның рухани көсемі Әли Хаменеи Израильмен қақтығыстар аяқталғаннан кейінгі алғашқы сөзінде Тегеранның қарулы қақтығыстағы жеңісін жариялады, деп хабарлайды Tasnim.
«Барлық шуға қарамастан, барлық мәлімдемелерге қарамастан, сионистік режим Ислам Республикасының соққылары астында жаншылып қала жаздады,- деді ол.
Хаменеи сондай-ақ АҚШ-тың Иран территориясына жасаған соққыларында ешқандай нәтижеге қол жеткізбегенін айтты. Оның пікірінше, Вашингтон қақтығысқа Израильдің түбегейлі жойылуға жақын екенін түсініп кірісті.
Хаменеи соңғы рет 18 маусымда халыққа үндеу жасады. Содан кейін ол Тегеран АҚШ-тың кез келген әскери араласуына жауап беріп, АҚШ-қа «орны толмас» залал келтіретінін айтты.
«Иранды, ирандық ұлтты және оның тарихын білетін ақылды адамдар ешқашан бұл халықпен қорқытатын тілде сөйлеспейді, өйткені Иран халқы берілмейді», — деп қосты ол.
13 маусымда Иран мен Израиль арасындағы қақтығыс өршіп кетті. Содан кейін Израиль әскері Иранның ядролық нысандарына шабуыл жасап, бірнеше жоғары лауазымды әскери шенеунікті залалсыздандырды. Бұған жауап ретінде Тегеран Тель-Авивке зымырандар мен ұшқышсыз ұшақтармен атқылай бастады. 22 маусымда АҚШ қақтығысқа қосылды. Америкалық әскерилер Ислам республикасының үш негізгі ядролық нысанына – Фордо, Натанз және Исфахан қалаларында соққы берді.
24 маусым күні таңертең Иран мен Израиль атысты тоқтату туралы жариялады. Екі сағаттан кейін Тель-Авив Ислам Республикасынан тағы да зымыран ұшырылғаннан кейін атысты тоқтату келісімін бұзғанын хабарлады. Кейін Израиль премьер-министрі Биньямин Нетаньяхудың кеңсесі Израиль әуе күштері жауап ретінде Тегеран маңындағы радиолокациялық станцияға соққы бергенін хабарлады. АҚШ президенті Дональд Трамп пен Нетаньяху телефон арқылы сөйлескеннен кейін Израиль жаңа шабуылдардан бас тартты.
