Қазақстан «Қазіргі заманғы арбитраж процесі: ұлттық соттардың халықаралық соттармен өзара іс-қимылы» форумына қатысты
Судьялар мен сот мамандарының өзара тәжірибе алмасуы үшін жағдай жасау үшін ТМД-ға қатысушы мемлекеттердің Жоғарғы (Жоғары) Соттары Төрағаларының Кеңесі 2024 жылғы желтоқсанда Достастық елдерінің сот органдарының жетекшілігімен және олардың қатысуымен өтетін ағымдағы құқықтық және сот мәселелері жөніндегі іс-шаралар жоспарын келіскен болатын. Осы іс-шаралардың кейбірі 2025 жылдың 26 қыркүйегінде Армения Республикасы мен Ресей Федерациясында онлайн режимінде өтті.
ТМД-ға қатысушы мемлекеттердің сот кадрларын даярлау, қайта даярлау және олардың біліктілігін арттыру бойынша жетекші оқу орны болып табылатын Ресейдің Лебедев атындағы мемлекеттік университетінде «Қазіргі заманғы арбитраж процесі: ұлттық соттардың халықаралық соттармен өзара іс-қимылы» атты халықаралық пікірталас форумы өтті.
Конференцияға ТМД-ның бірнеше елдерінің жоғарғы соттарының судьялары мен ғылыми қауымдастық өкілдері қатысты. Спикерлер Қазақстан, Армения, Беларусь, Тәжікстан және Өзбекстандағы қылмыстық істердің тиісті санаттарын қарау тәжірибесімен бөлісті, сондай-ақ құқық қолданудың қылмыстық іс жүргізу және практикалық мәселелерін талқылады.
Сондай-ақ Армения Республикасының Әділет академиясы ұйымдастырған «Ақшаны жылыстату» халықаралық ғылыми-тәжірибелік конференциясында сот органдарының өкілдеріне қылмыстық жолмен алынған ақшаны заңдастыруға (жылыстатуға) қатысты қылмыстық істерді қарау бойынша тәжірибелерімен бөлісу мүмкіндігі берілді. Конференцияға ТМД-ға мүше мемлекеттердің Жоғарғы Сот төрағалары Кеңесінің тең төрағасы және Армения Республикасы кассациялық сотының төрағасы, заң ғылымдарының докторы, профессор Тадевосян Лилит Зелимовна қатысты.
