Парижде әлемге әйгілі Лувр мұражайы тоналды
Paris, France - July 30, 2015: View of Pyramid at courtyard of Louvre Museum with tourists sightseeing and making pictures with Triumph Arch on the background
Парижде әлемге әйгілі француз Лувр мұражайы тоналды. Оқиға 19 қазан күні таңертең болған.
BFMTV арнасының хабарлауынша, ұрылар оқиға орнына скутермен келген. Сыртқы жүк лифтінің көмегімен олар терезелерге жетіп, оларды сындырған. Ішке кірген ұрылар қашып кетпес бұрын Наполеон мен императрица Джозефинаның коллекцияларынан зергерлік бұйымдарды ұрлаған.
Le Parisien газеті тоғыз әшекей ұрланғанын, оның екеуі, соның ішінде императрицаның тәжі кейінірек табылғанын хабарлайды. Атақты Реджент гауһар (салмағы 140 караттан астам) мен Санси гауһарының ұрланбағаны айтылады.
Францияның ішкі істер министрі Лоран Нуньес ұрланған заттардың елдің мәдени және «баға жетпес» мұрасы екенін айтты. Оның айтуынша, тонау жеті минутқа созылған және оны барлау жұмыстарын жүргізіп, ерекше жылдамдықпен әрекет еткен аса тәжірибелі қылмыстық топ жасаған.
Лувр әкімшілігі «ерекше себептермен» мұражай күні бойы жабық болатынын хабарлады. Француз Джордан Барделла бұл оқиғаны «төзуге болмайтын қорлық» деп атады. «Лувр — біздің мәдениетіміздің дүниежүзілік символы. Ұрыларға француз тәжінің зергерлік бұйымдарын ұрлауға мүмкіндік берген бұл тонау еліміз үшін адам төзгісіз қорлық. Мемлекеттің құлдырауы қашанға дейін жалғасады?» деп жазды Барделла әлеуметтік желіде.
Қауіпсіздік шаралары «сәтсіз болды» және елдің имиджіне теріс әсер еткен ірі қарақшылық шабуылдың алдын ала алмады, деп мәлімдеді Францияның әділет министрі Жеральд Дарманин.
Дарманин: «Адамдар Париждің орталығында жиһаз көтергішін қойып, оған бірнеше минут ішінде адамдарды көтеріп, баға жетпес асыл бұйымдарды ұрлап, Францияның имиджіне нұқсан келтірді», — деді Дарманин.
Электр құралдарымен қаруланған ұрылар күндізгі уақытта әлемдегі ең көп келетін мұражайға кіріп, баға жетпес деп саналатын сегіз затты ұрлап, сосын скутерлерде қашып кеткен.
Қылмыскерлер жақын күндері қолға түспесе, ұрланған заттар, оның ішінде император Наполеонның әйеліне берген гауһар тас пен изумруд алқасы бөлшектеліп, елден шығарылады деген қауіп бар.
Франция президенті Эммануэль Макрон Луврдағы атышулы тонауға қатысты пікір білдіріп, оны елдің тарихи мұрасына жасалған шабуыл деп жариялады. Ол асыл тастар тәркіленіп, кінәлілер жазасын алатынын атап өтті.
Le Figaro басылымының хабарлауынша, Париж прокуратурасы қылмысқа қатысты екі негізгі теорияны зерттеп жатыр. Прокурор Лаура Бекконың айтуынша, тонау келісім бойынша жасалған немесе ақшаны жылыстатумен байланысты болуы мүмкін.
Сонымен қатар, тергеу шетелдік араласуды да жоққа шығармайды, дегенмен прокуратура бұл басымдық емес екенін түсіндірді.
