Литва Беларусьпен шекарасында көлік өткізуді қайта жандандырды

Литва билігі Беларусь-Литва шекарасындағы автомобиль жолдарын 12 сағаттан кейін қайта ашты. Бұл туралы 25 қазанда Беларусь Мемлекеттік кеден комитетінің баспасөз қызметі хабарлады.

«12 сағаттан кейін литвалықтар Медининкай (Каменный Лог) және Шалчинкай (Бенякони) автомобиль жолдарын қайта ашты», — деп хабарлады Кеден комитетінің Telegram арнасы.

Бұған дейін Беларусь кеден комитеті 24 қазан кешінен бастап шекарадағы көлік қозғалысы жабылғанын хабарлаған болатын.

«Беларусьтен Медининкай және Шалничинкай (Бенякони) өткізу пункттері арқылы келетін көліктерді литвалықтар сағат 21:40-тан (Мәскеу уақыты бойынша) бастап қабылдамады. Соңғы көлік біздің елімізге кіруге сағат 00:00-де рұқсат етілді», — деп жазды кеден қызметі Telegram арнасында.

Шекарадағы электронды кезекте 1600-ден астам жүк көлігі тіркелгені туралы хабарланды.
Бұған дейін, 22 қазанда Литва премьер-министрі Инга Ругинье Литваның Беларусьпен шекарасын толығымен жаба алатынын мәлімдеген болатын, бұл елдің әуе кеңістігінде контрабандалық ауа райы шарлары анықталған деген болжамға байланысты айтылды. Литва президентінің ұлттық қауіпсіздік жөніндегі кеңесшісі Дейвидас Матулионис те шекараның ұзақ мерзімді жабылуы туралы ескерткен болатын.