Әдеби-мәдени кеш ақын шығармашылығына арналды
Түркістан облысына қарасты Сайрам ауданы, №20 Сәкен Сейфуллин атындағы мектеп-гимназиясының базасында жалпы білім беретін мектептердің 7-9 сынып оқушылары арасында аудандық «Пушикин оқулары» байқауы өткізілді. Аталмыш мектеп әдеби-мәдени кештерді ұдайы ұйымдастырып тұрады. Аталмыш мектеп оқушылары арасында өткізілген байқаудың негізгі мақсаты — А.С.Пушикин шығармаларын аудан оқушылары арасында насихаттау, оқушылардың шығармашылық қабілетін, эстетикалық сезімталдығын, жеке мәдени ойы мен көзқарасын қалыптасыру болып табылады.
Байқауға ұлы ақынның шығармаларынан түрлі жұмыстар ұсынылды. Пушкиннің өлеңдері, әңгімелері, мақалалары. Байқауға қатысушылар ұлы ақынның өмірі мен шығармашылығы туралы білімдерін көрсетіп, шығармаларын жатқа оқып, мән-мағынасы мен формасына талдау жасады.
Өңірдегі түрлі жалпы білім беретін мектептердің оқушылары қатысып, қатысушылардың өзара тәжірибе алмасуына, білім алмасуына ықпал етті. Байқаудың қазылар алқасы шығармалардың білімін ғана емес, қатысушылардың орындаушылық қабілетін, шығармашылығы мен эмоционалды экспрессивтілігін де бағалады.
Байқау жеңімпаздары сертификаттар мен сыйлықтармен марапатталды, барлық қатысушылар осындай іс-шараларға қатысуда құнды тәжірибе алды. Мұндай іс-шаралар жас ұрпақтың кітап оқу мәдениетін, орыс классикалық әдебиетін түсінуі мен құндылығын арттыруға ықпал етеді.
Байқаудың ашылу салтанатына қатысқан Сайрам ауданы білім бөлімінің әдіскері Г.Егінбаева қатысушыларды қолдап, сәттілік тіледі.
Байқауға ұлттық мектептерден 98 оқушы, орыс тілді мектептерден 13 оқушы қатысты. Ақынның өлеңдерінен, шығармаларынан үзінді оқылып, сахналық қойылымдар көрсетілді. Оқушылар жоғары дайындықпен келгені байқалды.
Ұйымдастырушылар барлық қатысушыларға, ұстаздар мен ата-аналарға еңбектері мен қолдаулары үшін алғыстарын білдірді. Байқаудың өңір халықтарының мәдени мұрасын сақтау мен жеткізудегі маңызды оқиғаға айналғаны атап өтілді.
Өскелең ұрпақтың ұлттық мәдениет пен әдебиетке деген қызығушылығын ояту мақсатында алдағы уақытта да осындай іс-шаралар жалғасын табатыны сөзсіз.
