ЗАМАНАУИ ТҰҚЫМБАҚТАР ӨҢІРДІ КӨШЕТПЕН ҚАМТУДА
Мемлекет басшысы еліміздің көп бөлігі далалы, шөлейтті аймақтар болғандықтан, оларда жасыл аймақтар мен жасыл белдеулер жасау арқылы еліміздің экологиясына, орман-тоғайларының қатары өсіп, жасыл ағаштар көбеюіне ықпал ету үшін миллиондаған көшеттер егуді және оларды күтіп-баптап қуратып алмай өсіруді тапсырғаны белгілі. Содан бері бүкіл еліміздің аумақтары сияқты Түркістан облысында да жасыл аймақ жіне жасыл белдеулер жасау жұмысына барлық қала, аудан, елдімекендер тұрғындары кірісіп те кеткен. Жұмыстың нәтижесі де жаман емес. Дегенмен лағашқы кезеді сырттан тасымалданған ағаш көшеттері жерсіне алмай, бірталайы қурап та кетіп жатты. Сондықтан облыс әкімі Дархан сатыбалды облыс аумағынан тұқымбақтарға арнайы жер тілімін бөліп, соларда көшеттердңғ түрлі сұрыптарын әкеліп егіп, жерсіндіріп алып, сосын жасыл желек ретінде көщшеттеп егуді тапсырды. Бұлай жасау өз нәтижесін беруде.
Түркістан облысының әкімі Дархан Сатыбалды облыс аумағында заманауи тұқымбақ ашуды тапсырған болатын. Осы бағытта өңірде тиісті жұмыстар атқарылуда. Облыстық табиғи ресурстар және табиғат пайдалануды реттеу басқармасына қарасты «Жасыл аймақ» коммуналдық мемлекеттік мекемесінде тұрақты 2 тұқымбақ бар. 240 гектар аумақты алып жатқан бұл бақтарда 25-ке жуық әртүрлі ағаш-көшеттері өндіріліп жатыр. Атап айтсақ, қылқан жапырақты 6 түр, жапырақты 11 түр және бұта тектес ағаштардың 6 түрі өсірілуде. Қазіргі таңда тұқымбақта барлығы 5,7 миллионнан астам ағаш-бұта көшеті өсіріліп жатыр.
Заманауи тұқымбақта 576,0 м2 жерге жылыжай орнатылды. Жылыжайдың мақсаты – сирек кездесетін сәндік ағаштар өсіру. Тұқымбақты дамыту мақсатында сеппе бөлімшесіне ағаш-бұта өсімдіктер тұқымынан 11 түрінен 4993 кг тұқым себу жұмыстары жоспарланып, көктем, жаз мезгілінде ағаш тұқымдарының пісіп-жетілуіне байланысты 2200 кг тұқым жиналып, орман тұқымбағына себілді.
Биылғы көктем мезгілінде жасыл белдеу аумағындағы орман екпелерін толықтыруға орман тұқымбағынан 760 мың дана әртүрлі ағаш көшеті қазылып, толықтыруға әр орманшылыққа жіберілді. Қала, аудан орталықтарын көгалдандыру мақсатында биылғы көктем мезгілінде 2 қала, 15 аудан орталқатарына жалпы 411 мыңнан аса әртүрлі ағаш көшеттері берілді және күз мезгілінде 34200 әртүрлі ағаш көшеті орман тұқымбағынан тарқатылды.
Бұдан бөлек биыл көктем мезгілінде орман тұқымбағынан жалпы 64198 дана әртүрлі ағаш көшеті берілген.
Айта кетсек, облыс көлемінде орман тұқымбақтарының көлемі 253 гектар. Оның 14-і типтік заманауи питомниктерде (оның ішінде 10 жылыжай) орналасқан. Мәдени орман алқабына егілетін көшеттер дайындауға аумағы 350 га құрайтын 10 уақытша тұқымбақта 35 миллионнан астам ағаш көшеті өсірілуде. Көшеттер санын 50-60 миллионға жеткізу жоспарланып отыр.
