АРМАН СӘБИТОВ: «НӘТИЖЕЛІ ЖҰМЫСТАР ЖҮРГІЗІП, НАҚТЫ ШАРАЛАР ҚАБЫЛДАУ ҚАЖЕТ»
Түркістан облысында Мемлекет басшысының жолдауларында алға қойылған міндеттер мен тапсырмаларды орындау бойынша жұмыстар тұрақты атқарылып жатыр. Өйткені, облыс, қала, аудан әкімдіктерінің әр жылға қабылдаған және перспективалық жоспарлары да осы Президенттің жолдауларындағы алға қойылған міндеттер негізінде жасалған. Жоспарлардың орындалуы ай сайын, тоқсан сайын қатаң түрде қадағаланып, жауапты шенеуніктердің есептері тыңдалып, кем-кетіктер болса, оларды түзету мерзімдері белгіленіп отырады. Мақсат – белгіленген жоспарлы межелерді, яғни барлық индикаторларды әрдайым толық, сапалы әрі мерзімінде орындап шығуға қол жеткізу болып табылады.
Сайрам ауданының әкімі Арман Сәбитовтің төрағалығымен өткізілген аппараттық мәжілістің күн тәртібінде екі мәселе қаралды. Алдымен Сайрам аудандық Жұмыспен қамту және әлеуметтік бағдарламалар бөлімі басшысының орынбасары Ақылбай Жақыпбеков Сайрам ауданында «Отбасының цифрлық картасы» АЖ-нің деректерін өзектендіру бойынша баяндады. Атап айтқанда, «Отбасының цифрлық картасы» АӘЖ-нің әл-ауқат деңгейі, құқық қорғау органдарының, денсаулық сақтау, білім беру, жұмыспен қамту және әлеуметтік қорғау саласының, ауыл шаруашылығы салаларындағы ОЦК деректерін өзектендіру нәтижелеріне жан-жақты талдау жүргізді. Бұдан бөлек, «Д» және «Е» санаттағы отбасылардың санын төмендету бойынша тапсырмалардың орындалу барысын баяндады. «Отбасылық цифрлық картасы» әрбір отбасының әлеуметтік-тұрмыстық жағдайынан бастап жұмыспен қамтылуы, әл-ауқатының деңгейі сияқты барлық мәліметтерінің жиынтығы. Үкіметтің тиісті бөлімшелері сол мәліметтер арқылы қай отбасының нендей көмекке, қолдауға мұқтаждығын анықтап отырады. Сонымен қатар Отбасылық цифрлық картадағы мәліметтер арқылы үкіметтің таяу және перспектикалық жоспарларын жасауға да мүмкіндік бар. Басты мақсат – әр қазақстандық отбасының өмір сүру деңгейін көтеру.
Бұдан кейін аудандық экономика және қаржы бөлімінің басшысы Алтынай Айтекеева Сайрам ауданының 2024 жылдың қаңтар-тамыз айларының меморандум көрсеткіштерінің орындалуы туралы баяндама жасады. Әрбір бөлім бойынша 8 айдағы индикаторлардың орындалуына талдау жасап, көрсетілген нәтижелерге тоқталды.
Басқосу барысында аудан басшысы аталған санаттағы азаматтардың деректерін өзектендіру бойынша ауылдық округтерде жұмысшы топтарының құрамы жасақталып, арнайы бекітілген мамандар жүйелі жұмыстар жүргізуді тапсырды. Және кәсіпкерлік және ауыл шаруашылығы, құрылыс, сәулет және қала құрылысы, тұрғын үй-коммуналдық шаруашылық бөлімдері ауылдық округ әкімдерімен бірлесе мемлекеттік бюджет және жеке инвестиция есебінен жүргізіліп жатқан нысандардың статистикалық есептілігін (1КС, 1Инвест) тапсырылуын қамтамасыз етуді, жолаушылар көлігі және автомобиль жолдары бөлімі 3 тоқсанға жоспарланған мемлекеттік сатып алу жоспарының орындалуын бақылауға алуды, аудандық «Ветеринариялық қызметі» МКК-ның Сайрам аудандық филиалы қыркүйек айында Қарабұлақтағы Беккери шұңқырын пайдалануға тапсыруды, ал жыл соңына қалған 2 мал тоғыту орындарының құрылысын аяқтау қажеттігін айтты.
Сондай-ақ, салалық бөлім басшыларына 9 ай қорытындысымен меморандумда бекітілген барлық индикатор жоспарының орындалуын қамтамасыз ету жөнінде тапсырма берді.
Жиын соңында аудан әкімі Арман Сәбитұлы жауапты қызметкерлерге мал сою орындарына қатысты өзекті тақырыпты тағы бір пысықтады. Бұл мәселеге айрықша назар аудара отырып, нәтижелі жұмыстар жүргізу қажеттігін айтты.
