Бангладеште ұшақ апатқа ұшырады

Бангладеш Әскери-әуе күштерінің оқу-жаттығу ұшағы ел астанасы Даккадағы колледж қалашығына құлап, кем дегенде 19 адам қаза тауып, 100-ден 150-ге жуық адам жарақат алды. Бұл туралы 21 шілдеде үкімет өкілдері хабарлады.

«Әскери-әуе күштерінің ұшағы Milestone колледжінің кампусында құлаған кезде кем дегенде 19 адам, оның ішінде ұшқыш қаза тапты», — деп жазды.

Зардап шеккендердің нақты саны жоқ, бірақ олардың саны артып келеді. Басылымның хабарлауынша, 30-дан астам адам жедел жәрдемге, екеуі күйік бөліміне, тағы 18-і жергілікті аудандық ауруханаға жеткізілген.

Құрбан болғандар негізінен колледж студенттері, көбі күйік шалған. Құтқару операциясына әскерилер, сондай-ақ сегіз өрт сөндіру және азаматтық қорғаныс бөлімшелері жұмылдырылды. Оқиғаның мән-жайы анықталуда.
Хабарланғандай, ұшақ Milestone колледжінің кіреберісіне жақын жерде құлаған. Ұшақ құлағаннан кейін көп ұзамай отқа оранған.
«Уттарада (Дакка) оқу-жаттығу ұшағы апатқа ұшырағаннан кейін 50-ден астам адам Ұлттық күйік және пластикалық хирургия институтына жатқызылды. Олардың жеке басы әлі анықталмады, бірақ олардың көпшілігі студенттер», — делінген хабарламада.

Өрт сөндіру қызметі оқиғадан кем дегенде бір адамның қаза тапқанын растады. Оқиға орнында құтқару жұмыстары жалғасуда.