Германияда жолаушылар пойызы рельстен шығып кетті

Неміс билігі Баден-Вюртемберг штатындағы Ридлинген қаласының маңында жолаушылар пойызының рельстен шығып кетуіне жауын-шашынның салдарынан болған көшкін себеп болуы мүмкін деп хабарлады.

Ульм полициясы мен Равенсбург прокуратурасының бірлескен мәлімдемесінде Ридлинген мен Мундеркинген қалалары арасындағы оқиғаға қатысты тергеу әлі жалғасып жатқаны атап өтілді.

Алдын ала мәлімет бойынша, жауын-шашынның салдарынан аймақта кәріз құдық тесігі асып кеткен болуы мүмкін.

Болжам бойынша, су теміржол рельстеріне іргелес жатқан беткейде көшкін жасап, апатқа себеп болуы мүмкін.

Мәлімдемеде жол-көлік оқиғасынан үш адамның қаза тапқаны айтылған: машинист, теміржол қызметкері және бір жолаушы.

Кем дегенде 41 адам жарақат алған, соның ішінде ауыр жарақат алғандар да бар.

Жергілікті БАҚ-тың хабарлауынша, апат болғанға дейін ауданда қолайсыз ауа райы жағдайы байқалған — кей жерлерде қысқа мерзімде шаршы метрге 30-40 литр жауын-шашын түскен.
Бортта 100-ге жуық адам болған. Пойыз Зигмарингеннен Ульмге бара жатқан.
Оқиға орнына құқық қорғау органдары мен құтқарушылар келді. Олар жолаушыларды эвакуациялауға көмектесуде.
Апаттың себептері анықталуда. Ридлинген Мюнхеннен батысқа қарай 158 шақырым жерде орналасқан.