Қытай мен Иран ядролық мәселені шешу жолдарын талқылады
Қытай Сыртқы істер министрінің орынбасары Ма Чжаосю ирандық тараптың шақыруымен Иран Сыртқы істер министрінің орынбасары Ғариб Абадимен телефон арқылы сөйлесті. Бұл туралы 24 тамызда Қытай сыртқы істер министрлігінің баспасөз қызметі хабарлады.
Әңгіменің басты тақырыбы Иранның ядролық бағдарламасы төңірегіндегі жағдай болды. Ма Чжаосю бұл мәселенің «сыни жол айрығында» тұрғанын атап өтіп, дипломатиялық күш-жігерді жалғастыру қажеттігін айтты.
«Қытай барлық мүдделі тараптар мәселені саяси және дипломатиялық жолдар арқылы шешіп, диалогты қайта бастау үшін жағдай жасайды деп үміттенеді», — деді ол.
Абади өз кезегінде Бейжіңнің бейбітшілік бастамаларын ілгерілетудегі рөлін жоғары бағалап, тұрақты шешім табу үшін Теһранның «Қытаймен байланыстар мен үйлестіруді одан әрі нығайтуға» дайын екенін білдірді.
Қытай сыртқы істер министрінің орынбасары Ма Чжаосюй: «Қытай барлық тараптардың Иранның ядролық мәселесін саяси жолдармен шешуге берік ұстанымда болуын жақтайды.
Қытай СІМ мәлімдемесінде: «Қытай барлық қатысы бар тараптар Иранның ядролық мәселесін саяси және дипломатиялық жолдар арқылы шешуді берік ұстанады деп үміттенеді» делінген.
Қытайдың жоғары дәрежелі дипломаты бұл мәселені шешу процесі «қайтадан қиын кезеңде» екенін атап өтті.
Оның айтуынша, Бейжің диалогты ертерек қалпына келтіру үшін белсенді түрде қолайлы жағдай жасап, объективті және бейтарап ұстанымды ұстанып, сындарлы рөл атқарып, келіссөздерде ілгерілеуге жәрдемдесетін болады.
Қытай Сыртқы істер министрлігі Гарибабади Қытайдың Иранның ядролық мәселесін саяси және дипломатиялық жолмен реттеуге қосқан үлесін жоғары бағалайтынын атап өтті. Ол Иранның Қытаймен ынтымақтастықты нығайтуға дайын екенін қуаттады.
