Мәдениет үйінде ұлттық кино көрсетілімі өтті
Жастарды отансүйгіштікке, патриоттыққа тәрбиелеудің көптеген тамаша үлгілері бар. Мектеп қабырғасындағы түрлі мәдени кештер, патриоттық бағыттағы байқаулар, кітап көрмелері тіпті кинокөрсетілім арқылы да іргесі мықты тәрбие беруге болады. Бүгінде осы бағытта ауқымды жұмыстар атқарылуда. Түркістан облысына қарасты Сайрам ауданының әкімі Арман Сәбитовтың тапсырмасымен бастау алған ұлттық кино туындыларының көрсетілім жобасы аясында жуырда Қарабұлақ ауылдық мәдениет үйінде 600-ге жуық жастарға «Құнанбай» фильмі көрсетілді. Бұл ауыл жастарының ұлттық киномен танысып, мәдени көкжиегін кеңейтуге мүмкіндік беретін тамаша бастама. Ұлттық кинематографиялық туындыларды көрсету мәдени мұраны сақтауға және насихаттауға көмектеседі, сонымен қатар патриоттық тәрбие мен ұлттық мақтаныш сезімін қалыптастыруға ықпал етеді. Осындай іс-шаралар арқылы жастар үлкен экраннан өз мәдениеті мен тарихының көрінісін көріп, көрген фильмдерін достық жағдайда талқылай алады. Осындай бастамалар жалғасын тауып, жастарға барынша пайда, шабыт әкелері сөзсіз.
Жобаның мақсаты — қазақтың біртуар азаматтарының ұлағатты ғұмыры жайлы ұлттық құндылықтарымызды қастерлеуге жетелейтін қазақ киноиндустриясының түсірген фильмдері арқылы жастарды патриоттық тәрбиеге баулу, отансүйгіштікке үндеу. Бұл тамаша жоба мақсаты — киноиндустрия көрермендердің, әсіресе жастардың дүниетанымы мен құндылықтарын қалыптастыруға үлкен әсер етеді. Кино арқылы өскелең ұрпақ қазақстандық мәдениеттің тереңдігі мен жан-жақтылығын көре алады, қоғамымыздың негізі болып табылатын құндылықтарды түсініп, қабылдай алады. Фильмдер арқылы патриотизмді насихаттау туған жер мен ұлтқа деген мақтаныш сезімін қалыптастырады, ұлттық бірегейлік пен бірлікті нығайтады.
Фильмді көрсету арқылы жастарды тарту оларға кейіпкерлердің өмірі мен тағдырына араласуға, олардың мотивтері мен құндылықтарын түсінуге, сондай-ақ басқа қатысушылармен талқыланған оқиғаларды талқылауға бірегей мүмкіндік береді. Бұл мәдениет пен тарихымыздың әртүрлі аспектілеріне еніп, өнер арқылы өзіңізді үйренудің және тәрбиелеудің тамаша тәсілі.
Жастарды ұлттық құндылықтарымыз бен салт-дәстүрлерімізді оқуға, сіңіруге баулитын мұндай бастамалар жалғасын табары сөзсіз.
Іс-шарада Сайрам аудандық мәдениет, тілдерді дамыту, денешынықтыру және спорт бөлімінің басшысы М.Нұрлыбаев, Қ.Р Таулы Қарабах Ардагерлері мен Мүгедектерінің Республикалық одағы Республикалық қоғамдық бірлестігінің Сайрам ауданы бойынша филиал төрағасы Б Батаев, Қарабұлақ ауыл округінің әкімі К.Абдилахатов, Сайрам ауданы білім бөлімі әдіскері Қ.Мырзатаев жиналғандарға бұл шараның маңыздылығын айтып өтті.
Оқушы жасөспірімдеріміз отандық кинофильмді ықыласпен көріп, ерекше әсер алғандарын жарыса жеткізіп бұл бастама үшін рахметін айтты.
Аталған жоба кестеге сәйкес алдағы уақытта ауданның барлық мәдени ошақтарында жалғасады. Өңіріміздегі оқушылардың отандық киноға қызығушылық танытуы тамаша. Бастаманың жастар арасында оң бағасын алғаны қуантады. Алдағы уақытта да облыстағы мәдениет ошақтарында осындай шаралар көптеп өткізілетін болады. Бұл олардың ой-өрісін кеңейтіп, оқушыларды жаңа жетістіктер мен шығармашылық жобаларға шабыттандырады.
