КҮЗГІ ӘСКЕРГЕ ШАҚЫРУ КЕЗЕҢІН ДЕ ҮЛГІЛІ ӨТКІЗУГЕ КҮШ САЛЫНАДЫ
Мемлекеттің Жастар саясатында жас ұрпақтың білімді де тәрбиелі, дені сау шымыр болып өсіп, Отанды қорғау борышын абыройорындауы үшін қажетті барлық шаралар жүзеге асырылады. Соның арқасында елімізде жастар отаншыл болып ержетіп, жасы жеткенде Қазақстан Қарулы күштері қатарында өздерінің Отан алдындағы борышын өтейді. Түркістан облысының Қорғаныс істері жөніндегі департаменті көктемгі әскерге шақыру науқанын жоғары деңгейде өткізген болатын.
Таяуда Түркістан облысында күзгі мерзімді әскери қызметке шақыруға дайындық бойынша жиналыс өтті. Өңірдің қорғаныс істері жөніндегі департаментінің бастығы, полковник Нұрмаханбет Дүйсебаев көктемгі науқанды қорытындылап, алдағы күзге арналған жұмыс жоспарын қатысушыларға жеткізді. Өткен көктемде Қарулы күштер, басқа да әскерлері мен әскери құралымдары қатарына облыстан екі жарым мыңнан астам адам шақырылды, олардың мыңға жуығы Қарулы күштерге жіберілді.
Кеңес барысында облыстық қорғаныс істері департаментінің басшысы көктемгі әскерге шақыруды сәтті аяқтауға ерекше назар аударды, ол жоспардың 104%-ға артығымен орындағынын атап өтті. Полковник Дүйсебаевтың айтуынша, бұл көрсеткіш, қойылған міндеттерді орындау бойынша елімізде көшбасшы орынға ие болған Түркістан облысының жергілікті әскери басқару органдарының үйлесімді жұмысын айғақтайды.
— Біз жоспарды орындап қана қоймай, жастарды Қарулы күштер, басқа әскерлері мен әскери құралымдар қатарында қызмет етуге сапалы іріктеу мен дайындауды қамтамасыз ете отырып, одан асып түсе алдық, — деп атап өтті департамент басшысы.
Көктемгі әскерге шақырудың сәттілігі көптеген факторларға байланысты, олардың бірі әскери қызметтің беделін арттыруға бағытталған жастар арасында кең ауқымды ақпараттық жұмыс болды. Ардагерлермен кездесулер, көрме іс-шаралары ұйымдастырылды, БАҚ-та мақалалар жариялау, бұл армиядағы қызмет туралы стереотиптерді жойып, жастардың үрейін жеңуге мүмкіндік берді.
Облыстың жергілікті әскери басқару органдары, білім беру мекемелері мен жергілікті билік органдары арасында тығыз өзара іс-қимыл жақсы жолға қойылған, бұл әскерге шақыруға байланысты мәселелерді жедел және сапалы шешуге мүмкіндік береді.
Күзгі әскерге шақыруға дайындық шеңберінде әскерге шақырылушылардың құқықтары мен міндеттері туралы уәждеме мен хабардарлықты арттыру мақсатында жастарды әскери қызметтің артықшылықтары туралы белсенді хабардар ету жұмыстарын жалғастыру жоспарлануда.
Сонымен қатар, өткізілген кеңес аясында көктемгі науқан кезінде көзге түскен әскери қызметшілер Департамент бастығының қолынан грамоталармен және алғыс хаттармен марапатталды.
Жалпы, Түркістан облысы жергілікті әскери басқару және билік органдарының, қоғамдық ұйымдар мен ардагерлердің үйлесімді жұмысының арқасында әскерге шақыру науқандарын сәтті өткізудің үлгісін көрсетуде.
Түркістан облысы қорғаныс істері жөніндегі департаментінің бастығы полковник Нұрмаханбет Бексейітұлы өңірдің жастары ҚР ҚК және де басқада әскери құрылымдарында әскери қызмет өткеруі сандық және сапасы жағынан алдыңғы қатарда жүретінін атап өтті.
Көктемгі әскерге шақыру науқанында Түркістан өңірінен 2000-нан астам азамат мерзімді әскери қызмет өткеруге аттанған болатын. Осы күзгі шақыру науқанында цифрландыру жұмысы нәтижесінде, өңірімізде тұратын 18 бен 27жас аралығындағы 3500-ден аса ер азаматқа тұрғылықты мекен-жайлары бойынша жергілікті әскери басқару органдарына шақыру туралы SMS-хабарлама жолданбақ. Сол хабарламаны алғашқы алған сіздерсіздер. Нағыз ер азамат өз отанының патриоты болуы тиіс, — деді полковник Нұрмаханбет Дюсебаев.
Айта кетсек, цифырландыру бағдарламасы аясында қазіргі уақытта әскери міндеттілер мен әскерге шақырылушыларды әскери есепке қою және шығару тұрғылықты жері өзгерген кезде автоматты түрде жүзеге асырылады.
Жақын арада әскерге шақырылушыларға әскерге шақыру учаскелеріне тіркеу туралы куәліктер беру және әскери қызмет өткермеген азаматтарға әскери билеттер беру жойылады. Ол электронды форматқа көшеді.
