Астанада ТМД-ға мүше мемлекеттер Жастар кеңесінің кезекті отырысы өтті
Тәуелсіз Мемлекеттер Достастығы Жастар кеңесінің 36-шы отырысы 2025 жылдың 20 қарашасында Астанада өтті.
Іс-шараға Әзірбайжан, Армения, Беларусь, Қазақстан, Қырғызстан, Ресей, Тәжікстан және Өзбекстан елдерінің, сондай-ақ ТМД-ға мүше мемлекеттердің жастармен жұмыс және жастар кәсіпкерлігін дамыту ұйымдарының, еріктілер қозғалысын дамыту ұйымдарының және жастар еріктілер қозғалысын ғылыми-әдістемелік қолдаудың, сондай-ақ ТМД Атқару комитетінің өкілдері қатысты.
Отырыста 12 мәселе, соның ішінде Халықаралық жастар ынтымақтастығы стратегиясын және Жастар еріктілер қозғалысын қолдау бойынша ТМД-ға мүше мемлекеттер арасындағы ынтымақтастықты дамыту тұжырымдамасын іске асыру жөніндегі іс-қимыл жоспарларын жүзеге асыру мәселелері талқыланды.
Кеңес мүшелері сондай-ақ 2025 жылы Тәуелсіз Мемлекеттер Достастығында Ұлы Отан соғысындағы Жеңістің 80 жылдығына дайындық және мерекелеу жөніндегі іс-шаралар жоспарын іске асыруды талқылады. ТМД елдерінде Жеңіс мерейтойына арналған бірқатар жастар іс-шаралары өткізілгені атап өтілді: концерттік бағдарламалар, фестивальдер, қойылымдар мен театрландырылған және драмалық қойылымдар, еске алу кештері, патриоттық байқаулар, еске алу сабақтары, семинарлар, конференциялар және тарихты бұрмалауға және жастар арасында неонацизмді таратуға қарсы күрес бойынша дөңгелек үстелдер.
ҚР-дағы мемлекеттік жастар саясаты туралы презентация өткізілді. Кеңес мүшелері Қазақстанда мемлекеттік жастар саясатын жүзеге асырудың дамыған инфрақұрылымы мен тетіктерін, соның ішінде жастарды қолдауға бағытталған ұлттық, аймақтық және жергілікті бағдарламаларды әзірлеуді, жастар ұйымдарын жүйелі қолдауды және жастар жобаларын, ғылыми зерттеулерді және шығармашылық бастамаларды қолдау үшін гранттар мен сыйлықтар беруді атап өтті.
Отырыс барысында 2024–2025 жылдардағы «ТМД үшін 100 идея» халықаралық жастар жобасының нәтижелері қорытындыланды және Кеңестің келесі жылға арналған жұмыс жоспары анықталды.
ТМД-ның 1-ші еріктілер форумына дайындық, Кеңестің 20 жылдығына арналған ақпараттық-талдау жинағын дайындау барысы және ТМД тарихы мұражайында өтетін «ТМД жастар үшін. Жастар ТМД үшін» көрмесіне материалдар талқыланды.
Сонымен қатар, Кеңес мүшелері Әзірбайжанның Габала қаласында өткен 2025 жылғы «ТМД жастар астанасы» халықаралық жобасының нәтижелерін қорытындылады және Арменияның Капан қаласында 2026 жылғы «ТМД жастар астанасы» халықаралық жобасын іске асыру жоспарының жобасын мақұлдады.
