Тимур Құлыбаев мұнай компаниясын мемлекетке қайтаратын болды
Еліміздегі мультимиллионердің көшін бастап тұрған Тимур Құлыбаев мұнай саласындағы Petrosun ЖШС компаниясының 49 пайыз акциясын мемлекетке қайтаратын болды.
Бұл туралы ақпаратты бүгін Reuters агенттігі ҚР бірінші вице-премьері Роман Склярға сілтеме жасап таратты, деп хабарлайды Экспресс К.
Скляр Қазақстанның бұрынғы президенті Нұрсұлтан Назарбаевтың күйеу баласы Құлыбаевтың шешіміне қатысты пікір білдірмеді. Ал Тимур Құлыбаевтың өзімен байланысу мүмкін болмады,
Бұған дейін журналист Денис Кривошеев Тимур Құлыбаевтың компания акциясын мемлекетке 1 теңгеге сататынын айтқан.
Айтпақшы, Petrosun акцияларының 51 пайызы қытайлық SNPS компаниясына тиесілі. Бүгінгі таңда компания Қазақстандағы жанар-жағармайдың көтерме сауда нарығының тең жартысын алып отыр.
Сәуір айында Нұрсұлтан Назарбаевтың немере інісі Қайрат Сатыбалды «Қазақтелеком» телекоммуникациялық компаниясының 29 пайыз акциясын мемлекетке қайтарған еді.
