«Поэзияға айалған адам» атты шара өтті
Түркістан облысына қарасты Cозақ аудандық балалар кітапханасының ұйымдастыруымен Қазақстанның халық жазушысы, ақын, драматург Әбділда Тәжібаевтың туғанына 115 жыл толуына орай » Сыршыл да, сыншыл ақын » тақырыбында әдеби сағат өткізілді. Аталмыш мәдени іс шараны өткізудегі мақсат — Әбділда Тәжібаевтың жерді құрметтеу, халқына, ана тіліне, Отанға деген сүйіспеншілік тақырыбында жазылған өлеңдері арқылы оқушыларды ұлттық намыс, жігерлікке тәрбиелеу болып табылады. Іс — шара Тәкен Әлімқұлов атындағы №14 мектеп интернат лицейінің мектеп кітапханасында өтті. Түркістан облысы Созақ аудандық балалар кітапханасы Әбділда Тәжібаевтың туғанына 115 жыл толуына орай әдеби сағат ұйымдастырғаны тамаша. Әбділда Тәжібаев – Қазақстанның көрнекті халық жазушысы, ақын және драматургі, оның шығармашылығының еліміздің мәдени мұрасы үшін маңызы зор.
«Сыршыл да, сыншыл ақын» тақырыбындағы әдеби сағат – балаларды Әбділда Тәжібаевтың шығармашылығымен таныстырып, оның сөз әлеміне, ой әлеміне бойлауға тамаша мүмкіндік. Мұндай іс-шаралар әдебиет пен поэзияға қызығушылықты арттырады, сонымен қатар балаларға өз елінің әдеби мұрасының маңыздылығын түсінуге және бағалауға көмектеседі.
Осындай әдеби сағаттар арқылы балалар Әбділда Тәжібаевтың өмірі мен шығармашылығы, оның Қазақстан әдебиеті мен мәдениетінің дамуына қосқан үлесі туралы біле алады. Оның Қазақстанның ұлттық құндылықтарын, тарихы мен мәдениетін, сондай-ақ өзекті әлеуметтік-саяси мәселелерін көрсететін шығармаларымен таныса алады.
Мұндай іс-шаралар балалардың ой-өрісін кеңейтуге, әдеби қабылдау мен талдау қабілеттерін дамытуға, өз шығармашылығын шабыттандыруға көмектеседі. Балалардың қазақ әдебиетінің байлығын, Әбділда Тәжібаев мұрасын аша түсуі үшін мұндай әдеби шаралар алдағы уақытта да жалғасын табатыны сөзсіз.
Кітапханашы Н.Абдуллаева «Поэзияға айналған адам» атты тақырыбында жасалынған кітап көрмесіне шолу жасап, ақынның өмірі мен шығармашылығымен таныстырды. Оқушылар Жаманқара Диана, Әбдібек Сүйрік, Рахымжан Марина ақынның өлеңдерін оқыды. Кітапханашы Н.Абдуллаева ақынның ұлағатты шумақтарынан үзінді оқыды. Оқушылар еркін форматта кітаптармен танысты. Алдағы уақытта қазақтың көрнекті ақын жазушыларының өмірі мен шығармашылығын дәріптейтін осы тақылеттес мәдени шаралар жалғасын табатын болады.
