Қырғызстан жаңа әнұранын таңдап жатыр
Қырғызстанда Мемлекеттік Гимнді жаңарту жұмыстары жалғасуда. Қырғыз Республикасының Мәдениет, ақпарат, спорт және жастар саясаты министрлігі әнұранның жаңа музыкалық нұсқасын жазуға байқау жариялады.
Ведомствоаралық комиссияның төртінші отырысында 16 маусым мен 17 шілде аралығында келіп түскен 132 ұсынылған мәтіннің ішінен ең үздік деп бес адам таңдалды. Келесі кезеңде композиторлар, музыканттар мен орындаушылар таңдалған мәтіндердің біріне сәйкес келетін музыкалық шығармаларын ұсына алады. Музыкалық ұсыныстар 2025 жылдың 8 қыркүйегіне дейін қабылданады. Барлық материалдарды мына мекенжайға жіберу керек: Бішкек қаласы, Пушкин көшесі, 8 ғимарат — Мәдениет, ақпарат, спорт және жастар саясаты министрлігіне. — Іріктеу қорытындысы бойынша мәтін мен музыканың үш үздік нұсқасы анықталып, олар Қырғызстан парламенті — Жогорку Кенештің қарауына жіберіледі, — делінген министрліктің ресми мәлімдемесінде.
Ұйымдастырушылардың айтуынша, байқау Қырғызстан халқының тарихи мұрасын, мәдени құндылықтарын және ұлттық бірлік рухын толық көрсететін көркемдігі жоғары туындыны жасауға бағытталған. Жаңа әнұран мемлекеттің заманауи бірегейлігін бейнелейді және елдің барлық азаматтарын біріктіретін элементке айналады деп күтілуде.
